ஆல் ரவுண்டர் NAND லாஜிக் கதவு | லாஜிக் கதவுகள் குறுந்தொடர் முற்று | எளிய எலக்ட்ரானிக்ஸ் பகுதி 49

லாஜிக் கதவுகள் குறித்து தொடர்ச்சியாக பல்வேறு கட்டுரைகளில் விவாதித்து வந்திருக்கிறோம். அவற்றின் வகைகள், சிறப்பம்சங்கள் உள்ளிட்ட பிறகு சுவாரசியமான தகவல்களை உங்கள் மத்தியில் பகிர்ந்து கொண்டிருக்கிறேன். அந்த வகையில் லாஜிக் கதவுகள் குறித்த கடைசி கட்டுரை இதுதான். இந்தக் கட்டுரையில், ஆல் ரவுண்டர் NAND கதவு குறித்துதான் பார்க்கவிருக்கிறோம். ஏற்கனவே, கடந்த கட்டுரையில் ஆல்ரவுண்டர் NOR கதவு குறித்து பார்த்திருந்தோம்

NOT Using NAND

கடந்த கட்டுரையில் பார்த்ததை போலவே, NAND கதவிற்கும் அதனுடைய இரண்டு உள்ளீடுகளையும் சேர்த்து ஒரே உள்ளீடாக மாற்றி விட வேண்டும். இதிலிருந்து கிடைக்கும் வெளியீடானது,NOT கதவின் வெளியீடுக்கு சமமாக இருக்கும்.

AND using NAND

AND கதவின் மறுதலை தான் NAND என அதற்கான கதவுக்கான கட்டுரையிலேயே நான் குறிப்பிட்டிருப்பேன். அப்படிப் பார்த்தால் இப்போது நம்மிடத்தில் NAND இருக்கிறது, அதை ஒன்றிய பகுதியில் பார்த்த NOT USING NAND கதவை பயன்படுத்தி மறுதலை செய்து வெளியீட்டில் AND கதவை பெறலாம்.

OR using NAND

டிமார்கனின் இரண்டாவது விதியைப் படித்து பார்த்தீர்கள் அல்லவா? அதே அடிப்படையில் தான் இங்கே OR using NAND கதவை எளிமையாக கட்டமைத்து இருக்கிறோம். இரண்டு மறு தலைகள் வரும்போது அவை ஒன்றை ஒன்று நீக்கிவிடும் என்பதையும் நான் முன்பே குறிப்பிட்டிருந்தேன்.

NOR using NAND

முன்பு நாம் செய்திருந்த, OR கதவோடு ஒரு மறுதலைக்காக NOT கதவை போட்டுவிட்டால் போதும். NOR கதவு தயாராகிவிடும்.

Ex-OR using NAND

இந்த மின் சுற்று உங்களுக்கு சற்றே குழப்பமாக இருப்பது போல தோன்றலாம். ஆனால் கவனமாக பாருங்கள். A,B ஆகிய இரண்டு உள்ளீடுகளும் ஒரு NAND கதவுக்கு வழங்கப்படுகிறது. பின்பு A உள்ளீடானது இரண்டாவது NAND கதவுக்கும், B உள்ளீடானது மூன்றாவது NAND கதவுக்கும் வழங்கப்படுகிறது. முதலாவது கதவின் வெளியீடானது இரண்டு மற்றும் மூன்றாவது கதவுகளுக்கு வழங்கப்படுகிறது.

பின்பு இரண்டு மற்றும் மூன்றாவது கதவுகளின் வெளியிடானது நான்காவது கதவுக்கு உள்ளீடாக வழங்கப்படுகிறது. நான்காவது கதவிலிருந்து கிடைக்கும் வெளியீடானது ,ExOR கதவின் வெளியீடுக்கு எடுத்து சமமாக இருக்கும். இதற்கான கணக்கீடை நான் கீழே கொடுக்கிறேன்.

First gate output = (A.B)’
Second gate input = A(A.B)’
Third gate input = B(A.B)’
Secod gate output = (A(A.B)’)’
Third gate output = (B(A.B)’)’
Fourth gate input = third out + second out
Using demorgens law and simplification
Final output= A’.B + A.B’

அவ்வளவுதான், லாஜிக் கதவுகள் குறுந்தொடர் இனிதே நிறைவடைகிறது.

எளிய எலக்ட்ரானிக்ஸ் தொடரின் நிறைவு கட்டுரையில் சந்திக்கலாம்.

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com
இணையம்: ssktamil.wordpress.com

ஆல் ரவுண்டர் NOR லாஜிக் கதவுகள்|  லாஜிக் கதவுகள் குறுந்தொடர் | எளிய எலக்ட்ரானிக்ஸ் பகுதி 48

லாஜிக் கதவுகள் தொடர்பான சில அடிப்படையான கட்டுரைகள் தொடர்ந்து வெளியாகி வந்தன. அந்த வகையில் AND,OR,NOT,NOR,EXOR,NAND உள்ளிட்ட லாஜிக் கதவுகள் குறித்து பார்த்து விட்டோம். மேலும், லாஜிக் கதவுகளோடு தொடர்புடைய டி மார்கன் விதி குறித்தும் பார்த்திருக்கிறோம். அந்த வகையில் லாஜிக் கட்டுரைகள் குறுந்தொடரின் இறுதிப் பகுதியை நெருங்கி விட்டோம்.

NOR,NAND ஆகிய இரண்டு லாஜிக் கதவுகளும் Universal லாஜிக் கதவுகள் என அறியப்படுகிறது. இந்த இரண்டு லாஜிக் கதவுகளில் ஏதேனும் ஒன்றை பயன்படுத்தி, இன்ன பிற அனைத்து லாஜிக் கதவுகளையும் உங்களால் கட்டமைக்க முடியும். அதாவது, ஒரு லாஜிக் மின்சுற்று தயாரிப்பதற்கு இந்த இரண்டு கதவுகளில் ஏதேனும் ஒன்றை மட்டுமே நம்மால் பயன்படுத்தி வடிவமைப்பு முடியும். இந்த கதவுகளைக் கொண்டு AND,OR,NOT,EXOR போன்ற அனைத்து விதமான லாஜிக் கதவுகளையும் அமைத்துவிட முடியும்.

அதாவது, உதாரணமாக,இந்த இரண்டில் ஏதாவது ஒரு கதவை பயன்படுத்தி AND கதவின்படி வீட்டை நம்மால் பெற முடியும். இது போலவே மேற்குறிப்பிட்ட அனைத்து லாஜிக் கதவுகளின் வெளியீடுகளையும் நம்மால் பெற்று விட முடியும். இந்தக் கட்டுரையில் NOR கதவின் பன்முகத்தன்மை குறித்து பார்க்கலாம். வெளியீடு அட்டவணைகள் முந்தைய கட்டுரைகளில் விரிவாக வழங்கப்பட்டுள்ளது. அடுத்த கட்டுரையில் NAND கதவின் பன்முகத்தன்மை விளக்கப்படும்.

NOR ஆல் ரவுண்டர்

1)NOT using NOR

NOR கதவின் இரண்டு உள்ளீடுகளையும் இணைத்து ஒரே உள்ளீடை வழங்கும்போது உங்களுக்கு வெளியீட்டில் அந்த உள்ளீடின் தலைகீழி கிடைக்கும். இதன் மூலம் உங்களால் NOT கதவுகுரிய வெளியீட்டைப் பெற முடியும்.

2)OR using NOR

NOR கதவின் தலைகீழ் கதவு தான் OR கதவு என்பதை முன்பே பார்த்திருக்கிறோம். அப்படி என்றால், முன்பே தயாரித்து வைத்திருந்தேன் NOR using NOT கதவை ஒரு சாதாரண NOR கதவைத் தொடர்ந்து போட்டு விட்டால் போதும். OR கதவுக்கான வெளியீடு இங்கே கிடைக்க பெற்று விடும்.

3)AND using NOR

இந்த சுற்று குறித்து தெரிந்து கொள்வதற்கு முன்பு எழுதப்பட்டிருக்கும் டிமார்கன் விதிகள் குறித்து நீங்கள் அறிந்து கொண்டிருக்க வேண்டும். டிமார்கனின் இரண்டாவது விதி அடிப்படையிலேயே இந்த லாஜிக் கதவானது வடிவமைக்கப்பட்டிருக்கிறது. இந்த கட்டுரை புரியவில்லை என்றால், டிமார்கள் விதிகள் குறித்து முந்தைய கட்டுரையை பார்க்கவும்.

அதாவது, இரண்டு லாஜிக் உள்ளீடுகளும் NOR using NOT கதவுகளைக் கொண்டு மறுதலை செய்யப்பட்டிருக்கிறது. பின்பு மற்றும் ஒரு NOR கதவு பயன்படுத்தப்பட்டிருக்கிறது. டிமார்கன் விதிப்படி, இரண்டு தனி தனி லாஜிக்கல் உள்ளீடுகளின் மறு தலைகளின் கூட்டல் மதிப்பானது, அந்த லாஜிக்கல் உள்ளீடுகளின் பெருக்கல் மதிப்பின் மறு தலைக்கு சமமாக இருக்கும். கடைசி வெளியீட்டில் இரண்டு மறு தலைகள் வருவதால், அவை தானாகவே நீங்கி, A.B எனும் AND கதவுக்கான வெளியீடு கிடைக்கும்.

4)NAND using NOR

AND கதவு எப்படி உருவாக்கப்பட்டது என்று புரிந்ததா! அதில் NOT using NOR கதவு ஒன்றை இறுதியில் போட்டுவிட்டால் போதும், NAND கதவு தயாராகிவிடும்.

5)EX-OR Using NOR

சும்மாவே EXOR கதவு என்றால் குழப்பம், இதில் இது வேறயா என புலம்புகிறீர்களா? நன்றாக உற்று கவனித்து பாருங்கள். முதலாவது பகுதியில் NOR கதவுக்கான வெளியீடு பிறப்படுகிறது. இரண்டாவது பகுதியில் ஹேண்ட் கதவுக்கான வெளியீடு பெறப்படுகிறது. இவை இரண்டையும் மீண்டும் ஒரு நாற்கதவுக்குள் உள் செலுத்துகிறார்கள்.

அதற்கான, பூலியன் செயல்பாட்டை தீர்த்தால் EXOR கதவுக்கான வெளியீடு உங்களுக்கு கிடைக்கும்.

NOR கதவை எப்படி ஆல் ரவுண்டராக பயன்படுத்துவது என தெரிந்து கொண்டிருப்பீர்கள் என நம்புகிறேன். இந்தத் தொடரில் NAND கதவின் பன்முகத்தன்மை மட்டும் மீதம் இருக்கிறது. மேலும், விரைவில் இந்த எளிய எலக்ட்ரானிக்ஸ் தொடரும் நிறைவடைய இருக்கிறது.

சுமார் ஒன்பது மாத காலத்திற்கு அதிகமாக தொடர்ந்து எளிய எலக்ட்ரானிக்ஸ் தொடரானது வெளிவந்து கொண்டிருக்கிறது. இந்த தொடர் குறித்து உங்களுடைய மேலான கருத்துக்களை என்னுடைய மின்மடலுக்கு எழுதலாம்.

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com
இணையம்: ssktamil.wordpress.com

டி-மார்கன் விதிகள் | லாஜிக் கதவுகள் குறுந்தொடர் | எளிய எலக்ட்ரானிக்ஸ் பகுதி 47

லாஜிக் கதவுகளில் நாம் முக்கியமாக மற்றும் அடிப்படையாக தெரிந்து கொள்ள வேண்டிய ஒரு விதி தான். டிமார்கன் விதிகள். இந்த விதியானது பூலியன் இயற்கணிதத்தின் அடிப்படை விதிகளிலும் ஒன்றாக அறியப்படுகிறது.

மற்றபடி உள்ள இயற்கணித செயல்பாடுகளிலும் கூட, பள்ளி அளவிலேயே டிமார்கன் விதிகளை நீங்கள் படித்திருக்க வாய்ப்பிருக்கிறது. சரி எப்படி இருந்தாலும், எளிய வகையில் இந்த விதியை உங்களுக்கு விளக்கி விடுகிறேன். இந்த விதி உங்களுக்கு தெரிந்திருந்தால் தான், அடுத்தடுத்து வரக்கூடிய ஆல்ரவுண்டர் லாஜிக் கதவுகள் உங்களுக்கு எளிமையாக புரியும்.

மொத்தமாக டி மார்ன் விதிகளில் இரண்டு விதிகள் இருக்கிறது. முதலில் டிமார்கள் முதல் விதியை பார்க்கலாம்.

டிமார்கன் முதலாம் விதி

வரையறை:

இரண்டு தர்க்க உள்ளீடுகளின் கூட்டுத்தொகையின் மறுதலை(invert value) மதிப்பானது, அந்த இரண்டு தர்க்க உள்ளீடுகளின் மறுதலை மதிப்புகளின் பெருக்கற்பலனுக்கு சமமாக இருக்கும்.

விளக்கம்:

நீங்கள் இரண்டு லாஜிக் உள்ளீடுகளை வழங்குகிறீர்கள் என வைத்துக்கொள்வோம். அந்த இரண்டு லாஜிக் உள்ளீடுகளையும் NOR கதவைக் கொண்டு லாஜிக்கல் மறுதலை கூட்டல் செயல்பாடை செய்கிறீர்கள். இதன் வெளியீடானது, இரண்டு மறுதலை லாஜிக்கல் உள்ளீடுகளின் பெருக்கல் பலனுக்கு சமமானதாக இருக்கும்.

அதற்குரிய மின்சுற்றானது படத்தில் வழங்கப்பட்டுள்ளது. இதுபோல லாஜிக் கதவுகளை ஒருங்கமைத்து நீங்களும் முயற்சி செய்து பார்க்கலாம்.

இதற்கான பூலியன் இயற்கணித உண்மை அட்டவணையானது கீழே வழங்கப்பட்டுள்ளது.

உதாரணமாக, A = 0 மற்றும் B = 0 என வைத்துக்கொள்வோம். இதன் கூட்டுத் தொகையும் 0 தான். ஆனால் இதற்கு மறு தலை எடுக்கும்போது மதிப்பு 1 ஆகிவிடும். சரி இது ஒரு புறம் இருக்கட்டும். A மற்றும் B யின் மாறுதலை மதிப்பு முறையே 1 ஆகும். இதன் பெருக்கற்பலனும்  1 தான். இப்போது புரிகிறதா?

இதுதான் டிமார்கனின் முதலாவது விதி.

டிமார்களின் இரண்டாவது விதி

டிமார்கனின் முதல் விதியை அப்படியே திருப்பி போட்டால் எப்படி இருக்குமோ! அது போல் தான் டிமார்களின் இரண்டாவது விதியும் இருக்கும். கொஞ்சம் குழப்புகிறதோ! சரி தெளிவாக சொல்கிறேன்.

வரையறை :-

இரண்டு தர்க்க உள்ளீடுகளின் பெருக்கல் பலனின் மறுதலை மதிப்பானது, அந்த இரண்டு தர்க்க உள்ளீடுகளின் மறுதலை மதிப்புகளின் கூட்டுத்தொகைக்கு சமமாக இருக்கும்.

விளக்கம்:-

நீங்கள் இரண்டு லாஜிக் உள்ளீடுகளை வழங்குகிறீர்கள் என வைத்துக்கொள்வோம். அந்த இரண்டு உள்ளீடுகளையும் NAND கதவைக் கொண்டு லாஜிக்கல் மறுதலை பெருக்கல் செய்கிறீர்கள். இதன் வெளியீடு மதிப்பானது, உள்ளீடுகளின் தனித்தனியான மறுதலை மதிப்புகளின் கூட்டுத்தொகைக்கு சமமாக இருக்கும். இதற்கான பூலியன் இயற்கணித அட்டவணை மற்றும் மின்சுற்று படமானது கீழே வழங்கப்பட்டுள்ளது.

உதாரணமாக, A = 0 மற்றும் B = 0 என வைத்துக்கொள்வோம். இதன் பெருக்கு தொகையும் 0 தான். ஆனால் இதற்கு மறு தலை எடுக்கும்போது மதிப்பு 1 ஆகிவிடும். சரி இது ஒரு புறம் இருக்கட்டும். A மற்றும் B யின் மாறுதலை மதிப்பு முறையே 1 ஆகும். இதன் கூட்டுத்தொகையும் 1 தான். இப்போது புரிகிறதா?

மேற்காணும் படங்களை வைத்து உங்களுக்கு புரிந்திருக்கும் என நம்புகிறேன். புரியாவிட்டாலும் கூட, அடுத்தடுத்து வரக்கூடிய ஆல்ரவுண்டர் லாஜிக் கதவுகள் கட்டுரைகள் இதன் அடிப்படையிலேயே விளக்கங்கள் வழங்கப்படும். எனவே அதிலிருந்து எளிமையாக புரிந்து கொள்ளலாம்.

மீண்டும் ஒரு எளிய எலக்ட்ரானிக்ஸ் பகுதியில் சந்திப்போம்.

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com
இணையம்: ssktamil.wordpress.com

நாம் டைப் செய்வது கணினிக்கு எப்படி தெரிகிறது? | ASCII CODE|லாஜிக் எலக்ட்ரானிக்ஸ் சங்கமம் | எளிய எலக்ட்ரானிக்ஸ் பகுதி 43

எனக்குள் பல ஆண்டுகளாக ஒரு சந்தேகம் இருந்தது. தட்டச்சு பொறிகளில் நாம் உள்ளீடை வழங்கும்போது, அந்த உள்ளீடை எப்படி கணினி புரிந்து கொள்ளும் என்று எனக்கு நீண்ட காலமாக நீடித்த ஒரு சந்தேகம் இருந்தது. சிறுவயதில் எல்லாம் தட்டச்சு பொறிக்குள் M என்றால் அதற்குள்ளும் M என்கிற வடிவத்தில் எழுத்து இருக்கும், அந்த M வடிவத்திலேயே மின்சாரம் சென்று அதற்குரிய வெளியீடு கிடைக்கும் என்றெல்லாம் கனவு கண்டு கொண்டு இருந்தேன்.

ஆனால், அதற்கான பதிலை கடந்த கடைசி வார கல்லூரி வகுப்பில் தான் நான் தெரிந்து கொண்டேன். லாஜிக் கதவுகள் தொடர்பாக நாம் பல்வேறு கட்டுரைகளை பார்த்திருக்கிறோம். அடிப்படையில், லாஜிக் கதவுகளில் உள்ளீடுகள் பூஜ்ஜியம்(0) அல்லது ஒன்று(1) என்ற அடிப்படையில் தான் வழங்கப்படும். உண்மையில், லாஜிக் கதவுகளை அடிப்படையாகக் கொண்டுதான் கணினிகளை வடிவமைக்கப்பட்டிருக்கின்றன என்று கூட சொல்லலாம். அந்த வகையில் பார்க்கின்ற பொழுது, கணினிக்கு தெரிந்தது பூஜ்ஜியம் அல்லது ஒன்று மட்டும்தான்.

நீங்கள் சொல்லும் பைத்தான், ஜாவா, சி உள்ளிட்ட எந்த ஒரு மொழியும் கணினிக்கு தெரியாது. தற்கால குவாண்டம் சிப்புகள் வரை அவர்கள் பயன்படுத்துவது பூஜ்ஜியம் அல்லது ஒன்று என்னும் நிலை குறித்து மட்டும்(qubit states)தான்.

அப்படியானால், இந்த பூஜ்ஜியம் ஒன்றை மீண்டும் மீண்டும் போட்டு வைத்து தான் உள்ளீடை வழங்க முடியும். சரி ABCD அகர வரிசைக்கு என ASCII Code(American standard code for  information interchange)எனும் முறை பயன்படுத்தப்படுகிறது. இதன் மூலம் உங்களால் தட்டச்சு பொறியை கொண்டு, கணினிக்கு எண்கள் மற்றும் ஆங்கில எழுத்துக்களை உள்ளீடாக வழங்க முடியும்.

இதற்கான அட்டவணையை நான் வழங்குகிறேன். அந்த அட்டவணையை பாருங்கள்.அதன் பின்பு கட்டுரையை தொடர்ந்து படியுங்கள்.

என்னப்பா அட்டவணை இது! எங்கு பார்த்தாலும் எண்களும் எழுத்துக்களுமாக இருக்கிறது. ஒன்றுமே புரியவில்லையே என புலம்பினால் வருத்தம் வேண்டாம், எளிமையாக விளக்குகிறேன்.

100 என்கிற பைனரி எண் ஆனது ஆங்கில தலைப்பு எழுத்துக்களை(capital letters)குறிக்கிறது. இந்த பைனரி எண்ணில் தொடங்கும் மதிப்புகள், ஆங்கில தலைப்பு எழுத்துக்களுக்கான உள்ளீடுகள் என நாம் நினைவில் வைத்துக் கொள்ள வேண்டும். அதைத்தொடர்ந்து வரும், நான்கு பைனரி எண்கள் ஒவ்வொரு ஆங்கில எழுத்துக்களையும் குறிக்கிறது. ஆங்கிலத்தில் முதல் எழுத்து என்ன ? A தானே! அப்படியானால் 100-0001 இந்த உள்ளீடை வழங்கினால் உங்களுடைய கணிப்பொறியில்,A எனும் எழுத்து அச்சாகும். நீங்கள் ஏன் எனும் பொத்தானை அழுத்தும் போது இந்த குறியீடு தான் கணினிக்கு வழங்கப்படுகிறது. இந்த குறியீடை புரிந்து கொள்ளும் கணினி ஆனது A என்னும் எழுத்தை திரையில் காட்டுகிறது. இந்த வேலையை தான் உள்ளார்ந்த மின்கடத்திகள்(integrated chips) பார்த்துக் கொள்கிறது.

சரி ! கட்டுரை படித்துக் கொண்டிருக்கும் வாசகர்களுக்கென்று ஒரு செயல்பாடு தருகிறேன். உங்களுடைய பெயரை மேலே இருக்கின்ற அட்டவணையை அடிப்படையாகக் கொண்டு, எழுதி என்னுடைய மின்மடல் முகவரிக்கு(email )அனுப்புங்கள். அத்தோடு, இந்த கட்டுரை குறித்த உங்களுடைய கருத்துக்களையும் அனுப்புங்கள். அவ்வாறு அனுப்புபவர்களின் பெயர்களை, அடுத்த கட்டுரையில் தவறாமல் குறிப்பிடுகிறேன். எப்படி எழுத வேண்டும் என்று கேட்கிறீர்களா?

உதாரணமாக, SRI என்றால் 101-0011 101-0010 100-1001 என்று எழுத வேண்டும். அதற்காக இணைய கருவிகளை பயன்படுத்தக் கூடாது. முயற்சித்துப் பாருங்கள் எல்லாம் ஒரு பயிற்சிதான். இதை மற்றும் கற்றுக் கொண்டால் உங்கள் நண்பர்களுக்கு மத்தியில் ரகசிய குறியீட்டு மொழியில் பேசிக்கொள்ளலாம்.

நாம் முன்பே ரிமோட் கருவிகள் எப்படி வேலை செய்கிறது? என்று ஒரு கட்டுரையில் பார்த்திருக்கிறோம். அங்கு அகச்சிவப்பு நிற ஒளி கதிர்களை விட்டு விட்டு  அனுப்பும் போது,அதைப் பெற்றுக் கொள்ளும் உணர்வியானது(receiver )அதற்குரிய செயல்பாடை செய்கிறது.

அதேபோல, இங்கு விட்டு விட்டு மின்னழுத்தத்தை வழங்கும்போது அதற்குரிய செயல்பாடானது கணினியில் மேற்கொள்ளப்படுகிறது. இவை அனைத்தும் நாம் கண்ணிமைக்கும் நேரப் பொழுதுக்குள் நடந்து விடுவதால், அன்றாட வாழ்வில் நம்மால் இதை உணர முடிவதில்லை. ஒருவேளை, இதே உள்ளீடை நீங்கள் வழங்க வேண்டும் என்று நினைத்தால் கூட, மிகக் குறுகிய நேரத்திற்குள் நீங்கள் வெளியிலிருந்து ஏழு சசுவிட்ச்களைக் கொண்டு வழங்கினால் உங்களாலும் கணினித்திரையில் A என்னும் எழுத்தை பார்க்க முடியும்.

அடிப்படையில் கணினிகள் இயங்குவது இப்படி தான். அடுத்த முறை லினக்ஸ் முனையத்தில் கட்டளைகளை பிறப்பிக்க கீபோர்டை தட்டும் போது இதை நினைவில் வைத்துக் கொள்ளுங்கள். கீ போர்டு என்பதும் விட்டு விட்டு வேலை செய்யக்கூடிய  சுவிட்சுகள் தான். சரி லாஜிக்கல் அடிப்படையில் கீபோர்டுகள் எப்படி வேலை செய்கிறது என்று பார்த்துவிட்டோம். எலக்ட்ரானிக் அடிப்படையில் கீபோர்டு கருவிகள் எப்படி வேலை செய்ய முடியும்.

இவ்வாறு வழங்கப்படும் உள்ளீடுளானது கீ போர்டுகளுக்குள்ளேயே அதற்கென வடிவமைக்கப்பட்டிருக்கும் பிரத்யேக PCB board மூலம் பெறப்பட்டு அதற்குள்ளே வழங்கப்பட்டிருக்கும் உள்ளார்ந்த மின்சுற்றால் பரிசீலிக்கப்பட்டு கணினிக்கு அனுப்பப்படும். கணினியானது இந்த குறியீடை பயன்படுத்தி அதற்குரிய செயல்பாடு இயக்கும்.

ஆனால், இந்த குறியீட்டு முறையானது தற்காலத்தில் பெருமளவில் மாற்றங்களை சந்தித்திருக்கிறது. ஆம்  தற்கால தொழில்நுட்பத்தில் நிறுவனங்களுக்கு ஏற்றால் போல் கூட இந்த குறியீடுகள் பயன்படுத்தப்படுவதை அறிய முடிகிறது. மேலும், இணையத்தில் தேடும்போது பல்வேறு விதமான குறியீடு அட்டவணைகள் வழங்கப்பட்டிருக்கின்றன. மேற்படி நான் வழங்கியிருக்கும் குறியீடு அட்டவணையானது என்னுடைய பாடப்புத்தகத்தில் வழங்கப்பட்டிருக்கிறது. இணையத்தில் தேடி பார்க்கும்போது வெவ்வேறு விதமான குறியீட்டு அட்டவணைகளும் உங்களுக்கு காணக் கிடைக்கிறது.

எனவே குறிப்பிட்ட இந்த குறியீடு தான் என்று நிச்சயத்து சொல்ல முடியாவிட்டாலும்,அடிப்படையில் பைனரி எண்களின் தொகுப்பின் மூலமே தட்டச்சு பொறிகள் இயங்குவதை அறிந்து கொள்ள முடிகிறது. அதேநேரம் கீ போர்டுகளுக்குள் தாமிர முலாம் பூசப்பட்ட மிகச்சிறிய பட்டைகளும் வழங்கப்பட்டிருக்கும் நீங்கள் ஒரு குறிப்பிட்ட பட்டனை அமர்த்தும்போது, அதன் ஊடே மின்சாரம் பாயும். அந்த மின்சாரத்தை அடிப்படையாகக் கொண்டுதான் கட்டளைகள் கணினிக்கு கடத்தப்படுகிறது.

இதே போல, தமிழ் மொழி உள்ளிட்ட இன்ன பிற மொழிகளுக்கும் குறியீடுகள் இருக்கின்றன. அந்தந்த குறியீடுகளுக்கு ஏற்றார் போல் நாம் உள்ளீடுகளை வழங்கும்போது கணினி திரையில் தோன்றும். எனவே, A என்கிற பட்டனை தட்டுவதால் மட்டும் அல்ல அதற்குரிய குறியீடு வழங்குவதால் தான் அந்த உள்ளீடு கணினிக்கு செல்கிறது என்பதை புரிந்து கொள்ளுங்கள்.

ஆனால், தற்கால செய்யறிவு யுகத்தில் நாம் எங்கெங்கோ பயணித்துக் கொண்டிருக்கிறோம். இன்னும் நாம் பயணிக்க வேண்டிய தூரம் எவ்வளவு இருக்கிறது. ஆனாலும், கணினி மற்றும் மின்னணுவியல் தொழில்நுட்பத்தில் பூஜ்ஜியம் மற்றும் ஒன்று இன்றி எதுவும் இல்லை.

இந்த இடத்தில் வெறும் இரண்டே வாய்ப்புகள் மட்டும் தான், ஒன்று நீங்கள் ஓட வேண்டும் (1) அல்லது ஓய (0) வேண்டும்.

மீண்டும் ஒரு சுவாரசியமான எலக்ட்ரானிக்ஸ் கட்டுரையில் சந்திக்கலாம்.

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com
இணையம்: ssktamil.wordpress.com

எளிய எலக்ட்ரானிக்ஸ் பகுதியில் பல்வேறு விதமான லாஜிக்கல் கதவுகள் குறித்து பார்த்து வருகிறோம். அந்த வகையில் இன்றைக்கு நாம் பார்க்க இருக்கிற கதவு,NOR லாஜிக் கதவு.

நாம் ஏற்கனவே பார்த்திருந்த, ஓர் கதவின் தலைகீழி வகையான லாஜிக் கதவு தான் இந்த NOR கதவாகும். மேலும், இந்த கதவில் எவ்வித உள்ளீடும் வழங்கப்படாத போது மட்டுமே உங்களுக்கு வெளியீடு கிடைக்கும்(If both the inputs are zero, then only you’ll get the output).

நாம் ஏற்கனவே பார்த்திருந்த OR கதவில், உங்களுக்கு ஏதேனும் ஒரு உள்ளீடு உண்மையாக இருக்கும்போது(In OR gate if atleast one input is 1 you’ll get the output) வெளியீடு கிடைக்கும். ஆனால் இந்த கடவுள் ஏதேனும் ஒரு உள்ளீடு உண்மையாக இருந்தாலும் உங்களுக்கு வெளியீடு கிடைக்காது.

மேலும், இந்த NOR கதவை கொண்டு இன்ன பிற அனைத்து விதமான லாஜிக் கதவுகளையும் உங்களால் உருவாக்கிவிட முடியும். கேட்பதற்கே சற்று ஆச்சரியமாக இருக்கலாம், NAND மற்றும் NOR ஆகிய இரண்டு கதவுகளுமே யூனிவர்சல் லாஜிக் கதவுகள்(universal gates)என அறியப்படுகிறது.

எனவே, இந்த லாஜிக் கதவுகளைக் கொண்டு உங்களால் இன்ன பிற அனைத்து விதமான லாஜிக் கதவுகளையும் கட்டமைத்து விட முடியும். அது குறித்து வரும் கட்டுரையில் விரிவாக பார்க்கலாம்.

IC 7402 ஐ வாங்குவதன் மூலம் உங்களுக்கு பொதுவான இரண்டு உள்ளீடு நாற்கதவு(two input nor gate)கிடைக்கும். இந்த நாற்கதவை கொண்டும் பல்வேறு விதமான லாஜிக்கல் சுற்றுக்களை அமைக்க முடியும். மேலும், இந்த நாற்கதவில் மட்டும் உங்களுக்கு ஒன்றாவது இணைப்பில் இருந்து வெளியீடு கிடைக்கும் 2 மற்றும் 3 இணைப்புகள் முறையே உள்ளீடாக அமையும். இன்ன பிற வகையிலான லாஜிக் கதவுகளில் ஒன்று மற்றும் இரண்டு உள்ளியதாகவும் மூன்றாவது இணைப்பு வெளியிடாகும் அமையும் என்பது நாம் அறிந்ததே.

அதற்கான விளக்கப்படமும் கீழே கொடுக்கப்பட்டுள்ளது.

இந்த NOR கதவானது போக்குவரத்து விளக்குகள்,தொலைத்தொடர்பு சாதனங்கள் போன்ற பல்வேறு விதமான துறைகளில் அடிப்படையாக பயன்படுத்தப்படுகிறது. நாம் அறிந்தும் அறியாமலேயே அன்றாட வாழ்வில் NOR கதவுகளை பயன்படுத்துகிறோம்.

இந்த NOR க்கதவுகளுக்கான சுவிட்சிங்(Switching) மின் சுற்று கீழே வழங்கப்பட்டுள்ளது.

இந்த NOR கதவுக்கான டையோடு அடிப்படையிலான மின்சுற்று(Diode circuit)வழங்கப்பட்டுள்ளது.

இந்த NOR கதவுக்கான பூலியன் இயற்கணித அட்டவணையானது கீழே வழங்கப்பட்டுள்ளது.

அவ்வளவுதான் இன்றைக்கு ஒரு லாஜிக் கதவு குறித்து அறிந்து கொண்டிருப்பீர்கள் என்று நம்புகிறேன் மீண்டும் ஒரு கட்டுரையில் உங்களை வந்து சந்திக்கிறேன்.

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com
இணையம்: ssktamil.wordpress.com

https://kaniyam.com/nor-gate-in-tamil/

எளிய எலக்ட்ரானிக்ஸ் பகுதியில் கடந்த சில வாரமாக லாஜிக் கதவுகள் குறித்து பார்த்தோம்.அந்த வகையில், நம்முடைய தொடக்க கட்டுரைகளிலேயே AND கதவு குறித்து விவாதித்து இருந்தோம். இந்த AND கதவின் தலைகீழி என அழைக்கப்படும் கதவு தான் NAND கதவு.

நீங்கள் AND கதவில் இரண்டு உள்ளீடுகள் அல்லது மூன்று உள்ளீடுகளை கொடுத்து அதற்கு எத்தகைய வெளியீடுகளை பெறுகிறீர்களோ! அதற்கு தலைகீழான வெளியீடு இந்த NAND கதவில் உங்களுக்கு கிடைக்கும்.

உதாரணமாக, AND கதவில் அனைத்து உள்ளீடுகளும் 1 ஆக இருக்கும்போது தான் உங்களுக்கு வெளியீடு(Both of the inputs are true you’ll get true in output)கிடைக்கும். ஆனால், NAND கதவில் எப்போது அனைத்து உள்ளீடுகளும் 1 ஆக இருக்கிறதோ! அப்போது மட்டும்தான் உங்களுக்கு வெளியீடு கிடைக்காது.

மீதமுள்ள அனைத்து உள்ளீடுகளுக்கும் உங்களுக்கு வெளியீடு கிடைக்கும். அடிப்படையில், NAND கதவு என்பது AND லாஜிக் கதவின் வெளியீடு பகுதியில் ஒரு NOT கதவை இணைப்பது போன்ற தாகும். ஆம்! என்ன வெளியீடு கிடைக்கிறதோ, அதன் தலைகீழான வெளியீடு NOT கதவில் கிடைக்கிறது.(AND + NOT = NAND)

இதையெல்லாம் கடந்து இந்த நண்ட் கதவுக்கு என ஒரு மிகப்பெரிய சிறப்பு இருக்கிறது. அது என்ன சிறப்பு என்று தானே யோசிக்கிறீர்கள்! இந்த நான் கதவை பயன்படுத்தி உங்களால் எத்தகைய லாஜிக் கதவை கூட உருவாக்கிவிட முடியும். கேட்பதற்கு சற்றே வினோதமாக இருக்கிறது அல்லவா! இந்த NAND மட்டுமல்ல இனிமேல் நாம் பார்க்க இருக்கக்கூடிய NOR கதவைக் கொண்டும் அனைத்து விதமான லாஜிக் கதவுகளையும் உங்களால் கட்டமைக்க முடியும்.

அதுகுறித்து ஆல் ரவுண்டர் லாஜிக் கதவுகள் என்னும் பெயரில் விரைவில் ஒரு கட்டுரையை எழுதுகிறேன்.

இந்த NAND கதவுக்கான டயோடு அடிப்படையிலான விளக்கப்படமானது கீழே வழங்கப்பட்டிருக்கிறது.

மேலும் ஸ்விச்சுகளைக் கொண்டு NAND கதவை விளக்கும் படமும் கீழே வழங்கப்பட்டிருக்கிறது.

இதற்கான பூலியன் அட்டவணை பின்வருமாறு வழங்கப்பட்டிருக்கிறது.

ஒரு மின்சுற்றில் இந்த நாட்டு கதவை குறிப்பதற்கு AND கதவின் படத்தின் வெளியீடு பகுதியில் ஒரு சிறிய வட்டத்தை போட்டால் போதுமானது அதற்கான படம் கீழே வழங்கப்பட்டிருக்கிறது.

ஒருவேளை இந்த கட்டுரையை முதலில் படிப்பவர்கள் புரிந்து கொள்ள சற்றே கடினமாக இருக்கலாம். எனவே, நான் முன்பே எழுதி இருக்கக்கூடிய லாஜிக் கதவுகள் தொடர்பான இன்ன பிற கட்டுரைகளைப் படித்து பாருங்கள்.

மேற்படி இந்த கட்டுரை குறித்து உங்களுக்கு ஏதேனும் கருத்துக்கள் இருந்தால் தயங்காமல் என்னுடைய மின்மடல் முகவரிக்கு மடல் இயற்றுங்கள். உங்களுடைய கருத்துக்கள் எப்போதும் வரவேற்கப்படுகிறது.

மீண்டும் ஒரு எலக்ட்ரானிக்ஸ் கட்டுரையோடு உங்களை வந்து சந்திக்கிறேன்.

கட்டுரையாளர்:-

ஸ்ரீ காளீஸ்வரர் செ,

இளங்கலை இயற்பியல் மாணவர்,

(தென் திருவிதாங்கூர் இந்துக் கல்லூரி, நாகர்கோவில் – 02)

இளநிலை கட்டுரையாளர் மற்றும் மொழிபெயர்ப்பாளர்,

கணியம் அறக்கட்டளை.

மின்மடல் : srikaleeswarar@myyahoo.com

இணையம்: ssktamil.wordpress.com

https://kaniyam.com/nand-gate-in-tamil/

கடந்த வாரம் லாஜிக் கதவுகள் தொடர்பான கட்டுரைக்கு விடுமுறை விட்டு விட்டேன். எங்கே இந்த தொடரை இப்படியே கைவிட்டு விடுவேனோ? என எனக்குள்ளேயே சந்தேகம் கிளம்பிவிட்டது. அதற்காகத்தான் வேகவேகமாக NOTகதவு குறித்து கட்டுரை எழுதுவதற்கு என்று வந்திருக்கிறேன்.

கடந்த இரண்டு லாஜிக் கதவுகள் தொடர்பான கட்டுரையில் AND மற்றும் OR கதவுகள் குறித்து பார்த்திருந்தோம். NOT கதவு என்றால் என்ன? அது தொடர்பாகத்தான் இன்றைக்கு பார்க்கவிருக்கிறோம்.

ஆங்கில வார்த்தையான NOTஎன்பதற்கு என்ன அர்த்தம் இருக்க முடியும்? வேறு என்ன இல்லை என்பது தான் அர்த்தம். இந்த NOT கதவின் ஊடாக நீங்கள் ஏதாவது ஒரு உள்ளிடை(1) வழங்கினால், உங்களுக்கு வெளியீடு கிடைக்காது. அதே நேரம் பூஜ்ஜியத்தை(0) உள்ளீடாக வழங்கினால் வெளியீடாக ஒன்று(1) கிடைக்கும்.

கேட்பதற்கேற்றே வினோதமாக இருக்கிறது அல்லவா? இதுதான் NOT கதவின் செயல்பாடு.உதாரணமாக, வெளியில் வெயில் அடிக்கும் போது தெருவிளக்குகள் அணைந்து இருக்க வேண்டும் இதுதான் Not கதவு.

கார் வேகமாக செல்கிறது என்றால் பிரேக் பிடிக்கப்பட்டு இருக்கக் கூடாது! இதுதான் Not கதவு..

ஒரு செயல் நடைபெற வேண்டுமென்றால், அதற்கு முரணான செயல் நடைபெறக்கூடாது இதுதான் எதார்த்தமான Not கதவு.

இதற்கான லாஜிக் வரைபடம் ஆனது முக்கோணத்தின் மூக்குப்பகுதியில் தக்காளி பழத்தை வைத்தது போல காணப்படும். இந்த லாஜிக் கதவும் அடிப்படைக் கதவு என்றே அறியப்படுகிறது. மேலும் பல லாஜிக் கதவு சுற்றுகளிலும்,இது துணைக் கதவாக பயன்படுத்தப்படும்.

Ic 7404 என்பதுதான் இந்த Not கதவிற்கான உள்ளார்ந்த மின்சுற்று எண். மீதமுள்ள உள்ளார்ந்த மின் சுற்றுகளை வாங்கும் போது, உங்களுக்கு நான்கு லாஜிக் கதவுகள் மட்டுமே கிடைக்கும். ஆனால், இந்த இடத்தில் உங்களுக்கு ஆறு கதவுகள் கிடைக்கும் காரணம்! என்னவென்றால், Not கதவிற்கு ஒரே ஒரு உள்ளீடு மற்றும் ஒரே ஒரு வெளியீடு மட்டும்தான் இருக்கும்.

இருந்த போதிலும், எலக்ட்ரானிக்ஸ் துறையில் முதன்மையாக பயன்படுத்தப்படும் லாஜிக் கதவுகளில் இதுவும் ஒன்று. பல லாஜிக் கதவுகளுக்கும் அடிப்படையாக செயல்படும் கதவும் இதுதான். வரும் நாட்களில் நாம் பார்க்க இருக்கக்கூடிய NOR, NAND போன்ற கதவுகளை இந்த நாட்டுக் கதவை அடிப்படையாகக் கொண்டே தயாரிக்கிறார்கள்.

இந்த நாட்டுக் கதவிற்கான பூலியன் இயற்கணித அட்டவணை கீழே வழங்கப்பட்டிருக்கிறது.

தொடர்ந்து மற்றும் ஒரு லாஜிக் கதவு தொடர்பான கட்டுரையில் உங்களை வந்து சந்திக்கிறேன்.

மேற்படி, இந்த கட்டுரை குறித்து உங்களுக்கு ஏதேனும் கருத்துக்கள் இருப்பின் தயங்காமல் என்னுடைய மின் மடல் முகவரிக்கு மடல் இயற்றவும்.

உங்களுடைய கருத்துக்கள் எப்போதும் வரவேற்கப்படுகிறது.

கட்டுரையாளர்:-

ஸ்ரீ காளீஸ்வரர் செ,

இளங்கலை இயற்பியல் மாணவர்,

(தென் திருவிதாங்கூர் இந்துக் கல்லூரி, நாகர்கோவில் – 02)

இளநிலை கட்டுரையாளர் மற்றும் மொழிபெயர்ப்பாளர்,

கணியம் அறக்கட்டளை.

மின்மடல் : srikaleeswarar@myyahoo.com

இணையம்: ssktamil.wordpress.com

https://kaniyam.com/not-gate-function-in-tamil/

கடந்த வாரம் எழுதியிருந்த, லாஜிக் கதவுகள் தொடர்பான கட்டுரையில் AND லாஜிக் கதவு குறித்து விரிவாக பார்த்திருந்தோம்.

இன்றைய கட்டுரையில், OR லாஜிக் கதவு குறித்து விரிவாக பார்க்க இருக்கிறோம்.

அதற்கு முன்பாக, என்னுடைய இன்ன பிற எலக்ட்ரானிக்ஸ் கட்டுரைகளை நீங்கள் படிக்க விரும்பினால், கீழே வழங்கப்பட்டுள்ள இணைப்பை பயன்படுத்தவும்.

kaniyam.com/category/basic-electronics/

அடிப்படையில் கூட்டல் செயல்முறைக்கு ஒத்த வகையிலான, லாஜிக் கதவாகவே OR கதவு அறியப்படுகிறது.

பூலியன் இயற்கணிதத்தின் OR விதியின்படி, இந்த லாஜிக் கதவு ஆனது இயங்குகிறது. ஏதாவது ஒரு உள்ளீடு மெய்யாக( 1 0 OR  0 1)இருக்கும்போது அல்லது இரண்டு உள்ளீடும் மெய்யாக இருக்கும் போது( 1 1 both are true)நமக்கு வெளியீடு(output) கிடைக்கிறது.

ஒருவேளை எந்தவித உள்ளீடையும் வழங்கவில்லை என்றால்(0 0), நமக்கு வெளியீடு  கிடைக்காது. இதுவே இந்த கதவின் செயல்பாட்டு முறையாகும்.

நான் முன்பு பார்த்திருந்த AND கதவில் மொத்தமே ஒரே ஒரு செயல்முறையில் மட்டுமே மெய் மதிப்பு கிடைப்பதை கவனித்திருந்தோம். ஆனால், இந்த OR கதவில் (0 0) தவிர்த்த இன்ன பிற அனைத்து உள்ளீடுகளுக்கும் நமக்கு வெளியீடு கிடைக்கிறது.

இந்த OR கதவானது, பல்வேறு விதமான எலக்ட்ரானிக் கருவிகளில் பயன்படுத்தப்படுவதையும் கவனிக்க முடிகிறது.

இந்த OR கதவை எளிமையாக விளக்குவதற்கு, எடுத்துக்காட்டு கூற வேண்டும் என்றால், நீங்கள் காரில் பயணித்துக் கொண்டிருக்கிறீர்கள் உங்களுடைய பாதையில் 2 சாலைகள் பிரிகின்றன(A B).இரண்டு சாலைகளிலும் இரண்டு தூக்குப்பாலங்கள்(X Y) உள்ளன. இரண்டு சாலைகளின் முடிவிலும் ஒரே இடத்தையே நீங்கள் அடைகிறீர்கள்(C) ஒருவேளை ஒரு தூக்குபாலமானது தரையோடு இணைந்து இருக்கும் போது, உங்களால் விருப்பப்பட்ட நகரத்தை அடைய முடியும். அல்லது, மற்றொரு தூக்கு பாலம் தரையோடு இணைந்திருக்கும் போதும் உங்களால் பயணிக்க முடியும். அல்லது இரண்டு தூக்கு பாலங்களும் ஒரே நேரத்தில் தரையோடு இணைந்து இருந்தாலும் உங்களால் விரும்பிய நகரத்தை அடைய முடியும்.

மெர்குரி எடுத்துக்காட்டின் அடிப்படையில் இயங்கும்,இதற்கான ஸ்விச்சிங் மின்சுற்றானது கீழே வழங்கப்பட்டிருக்கிறது.

மேலும் டையோடு அடிப்படையிலான OR கதவின் கட்டமைப்பும், கீழே வழங்கப்பட்டிருக்கிறது.

உள்ளார்ந்த மின்சுற்று எண் 7432 ஐ வாங்குவதன் மூலமாக, உங்களுக்கு நான்கு OR கதவுகள் கிடைக்கிறது

இந்த OR கதவின் குறியீடானது வளைந்த அம்பின் முனையைப் போல வடிவமைக்கப்பட்டிருக்கிறது. அடிப்படையில் எளிமையான கூட்டல் கணக்கீடுகளை செய்யக்கூடிய கதவாகவே OR கதவு அறியப்படுகிறது.

இதற்கு நேர்மாறான கதவாக NOR கதவு செயல்படுகிறது.அது தொடர்பாகவும் வரும் கட்டுரைகளில் விவாதிப்போம்

இந்த OR கதவுக்கான பூலியன் இயற்கணித அட்டவணையானது, கீழே வழங்கப்பட்டுள்ளது.

இந்த சிறு கட்டுரை வாயிலாக, OR கதவு குறித்து ஓரளவுக்கு அறிந்து கொண்டிருப்பீர்கள் என்று நம்புகிறேன். மேற்படி, இந்த கட்டுரை குறித்து உங்களுக்கு ஏதேனும் கருத்துக்கள் இருப்பின் தயங்காமல் என்னுடைய மின்மடல் முகவரிக்கு மடல் இயற்றவும்

மீண்டும் ஒரு எலக்ட்ரானிக்ஸ் கட்டுரையில் உங்களை வந்து சந்திக்கிறேன்.

கட்டுரையாளர்:-
ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்து கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் முகவரி : srikaleeswarar@myyahoo.com
இணையம் :

ssktamil.wordpress.com

https://kaniyam.com/logic-gate-or-in-tamil/

கடந்த கட்டுரையில் லாஜிக் கதவுகளின் வகைகள் குறித்து விரிவாக பார்த்திருந்தோம்.

பள்ளி மற்றும் கல்லூரிகளில் முதன்முதலாக கற்பிக்கப்படும் லாஜிக் கதவு எதுவென்று கேட்டால், AND கதவு தான்.

என்னுடைய இன்ன பிற எலக்ட்ரானிக்ஸ் கட்டுரைகளை படிக்க, கீழே வழங்கப்பட்டுள்ள இணைப்பை பயன்படுத்தவும்.

பெருக்கலை அடிப்படையாகக் கொண்ட லாஜிக் கதவு தான், இந்த AND கதவு.

பூலியன் இயற்கணிதத்தின் AND வகைப்பாட்டின் அடிப்படையில், இந்த கதவு வேலை செய்கிறது

இந்த AND கதவின் விதியின்படி, இரண்டு உள்ளீடுகளும் ஒன்றாக இருக்கும்போது நமக்கு வெளியீடு கிடைக்கும்.

இதை எளிமையாக விளக்குவதற்கு இரண்டு ஸ்விட்ச்களும், ஒரு எல்இடி விளக்கும்போதும்.

உங்கள் இடத்தில் ஒரு மின்கலம் இருக்கிறது. அதை நேர் மின்முனையில் இருந்து,  இரண்டு சுவிட்சைகளை தொடர்வரிசையில் பொருத்தியிருக்கிறீர்கள்!

மின்கலத்தின் எதிர்முனையானது, நேரடியாக மின்விளக்கின் மற்றொரு முனையோடு இணைக்கப்பட்டு இருக்கிறது. இரண்டு ஸ்விட்ச்சிகளும் தொடர் வரிசையில் இணைக்கப்பட்ட முனையானது, மின்விளக்கின் முதல் முறையோடு இணைக்கப்பட்டிருக்கிறது.

படித்துப் பார்ப்பதற்கு சற்றே குழப்பமாக இருந்தால், கீழே ஒரு விளக்கப்படம் வழங்கி இருக்கிறேன் அதை பார்த்துக் கொள்ளலாம்.

இப்பொழுது, இரண்டு சுவிட்ச்களில் முதலாவது ஸ்விட்ச்சை A என்றும் இரண்டாவது சுவிட்ச்சை B என்றும் கொள்ளலாம். முதலாவது ஸ்விட்சை மட்டும்(1 0), போட்டால் விளக்கு எரியாது.

பின்பு முதலாவது ஸ்விட்சை அணைத்துவிட்டு(0 1), இரண்டாவது ஸ்விட்சை மட்டும் போட்டாலும் விளக்கு எரியாது.

இரண்டு ஸ்விட்ச்களையும் போடாவிட்டாலும்(0 0), விளக்கு எரியாது.

இரண்டு ஸ்விட்ச்சிகளும், ஒரே நேரத்தில் போடப்பட்டு இருக்கும்போது மட்டும் தான்(1 1) இந்த மின்சுற்றின் வழியாக மின்சாரம் பாய்ந்து விளக்கு எரியும்.

அவ்வளவுதான்! கேட்பதற்கே மிகவும் எளிமையாக இருக்கிறது அல்லவா?

இந்த லாஜிக், பெரும்பாலும் மிகவும் உள்ளார்ந்த மின் சுற்றுகளில் பயன்படுத்தப்படுகிறது! ஏன் உங்களுடைய மொபைல் கருவிகளில் கூட இது பயன்படுத்தப்படுகிறது! இரண்டு இடங்களில் இருந்தும் ஒரே மாதிரியான உள்ளீடு கிடைக்கும் போது மட்டுமே விளக்கு எரியும்.

உதாரணமாக, இரண்டு ஆற்றங்கரையிலும் ஒரே அளவு வெள்ளம் பாயும் போது மட்டும், அதிலிருந்து மடை திறந்து வயலுக்கு நீர் பாய்ச்ச!  ஒரு சென்சாரை இதன் அடிப்படையாகக் கொண்டு செய்து விட முடியும்.

இவ்வாறு உண்மையிலேயே செய்கிறார்களா? என்று கேட்டு விடாதீர்கள்! என்னுடைய சிந்தையில் உதித்ததை, அவ்வப்போது உங்களோடு இப்படி பகிர்ந்து கொள்வேன்.

இதை டையோடுகளைக் கொண்டும் செயல் வடிவாக செய்து காட்ட முடியும்.

அதற்கான விளக்கப் படத்தையும் கீழே வழங்கி இருக்கிறேன்.

சரி இந்த AND கதவின் குறியீட்டு வரைபடம் பார்ப்பதற்கு எப்படி இருக்கும் என்று கேட்டால்? சில நேரங்களில் மருத்துவர் பரிந்துரைக்கும் நீள் வட்ட வடிவிலான மாத்திரையை பாதியாக உடைத்து வைத்ததைப் போல, பார்ப்பதற்கு காட்சி தரும்.

IC 7408 எனும் உள்ளார்ந்த மின்சுற்றை நீங்கள் வாங்கும் போது, நான்கு AND கதவுகள் அதன் உள்ளே இருக்கும்.

இதை பயன்படுத்தி, நீங்களே AND கதவின் பூலியன் இயற்கணிதத்தை மேற்கொண்டு பார்க்கலாம். அதற்கான விளக்கக் காணொளிகள் இணையத்தில் கோடிக்கணக்கில் கொட்டிக் கிடக்கின்றன.

இந்த AND கதவிற்கான பூலியன் இயற்கணித உண்மை அட்டவணை( TRUTH TABLE)கீழே வழங்கப்பட்டுள்ளது.

எனக்கு தெரிந்த அடிப்படையான தகவல்களை தொகுத்து, AND கதவு குறித்து எழுதி இருக்கிறேன். இதுகுறித்து, மேலும் உங்களுக்கு தெரிந்திருந்தால் தயங்காமல் என்னுடைய மின்மடல் முகவரிக்கு மடல் இயற்றுங்கள்.

அந்த தகவல்களை வரும் கட்டுரைகளில் இணைத்து கொள்கிறேன்.

மீண்டும் ஒரு எளிய எலக்ட்ரானிக்ஸ் கட்டுரையோடு உங்களை வந்து சந்திக்கிறேன்.

மேற்படி இந்த கட்டுரை குறித்து உங்களுக்கு ஏதேனும் கருத்துக்கள் இருப்பின், தயங்காமல் என்னுடைய மின்மடல் முகவரிக்கு மடல் இயற்றுங்கள்! உங்களுடைய கருத்துக்கள் எப்போதும் வரவேற்கப்படுகிறது.

கட்டுரையாளர்:-
ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்து கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் முகவரி : srikaleeswarar@myyahoo.com
இணையம் :

ssktamil.wordpress.com

https://kaniyam.com/and-logic-gate-explaination-in-tamil/

கடந்த வாரம், லாஜிக் என்றால் என்னவென்று பார்த்திருந்தோம். லாஜிக் கதவுகள் எலக்ட்ரானிக்ஸ் துறையின் மிக மிக முக்கியமான பங்கு வகிக்கும் பிரிவு மட்டுமல்ல! மாறாக அன்றாட வாழ்வில் அனைத்து துறைகளிலும் “லாஜிக்” என்பது மிக மிக முக்கியமானது என்று தெளிவாக பார்த்திருந்தோம்.

இதுபோல என்னுடைய இன்னபிற, எலக்ட்ரானிக்ஸ் கட்டுரைகளைப் படிக்க கீழே வழங்கப்பட்டுள்ள இணைப்பை பயன்படுத்தவும்.

சரி! நம்முடைய எலக்ட்ரானிக்ஸ் துறையில், லாஜிக் கதவுகள் எத்தனை வகையாக பிரிக்கப்பட்டு இருக்கின்றன என்று பார்க்கின்ற பொழுது! பொதுவாக சுமார் ஏழு  வகையில்  லாஜிக் கதவுகள் கிடைக்கின்றன.

அவற்றின் பட்டியலை மட்டும் இன்றைய கட்டுரையில் பார்க்கலாம் வரக்கூடிய கட்டுரைகளில் ஒவ்வொரு லாஜிக் கதவு குறித்தும் விரிவாக பார்க்கலாம்.

1.AND கதவு

இயற்கணித பெருக்கல் செயல்பாடுகளை செய்வது போல, லாஜிக்கல் பெருக்கல் செயல்பாடுகளை செய்ய வல்ல ,லாஜிக் கதவு தான் AND.

பூலியன் இயற்கணிதத்தின் AND பெருக்கல் விதியின் அடிப்படையில் இந்த கதவு இயங்குகிறது.

இதற்கான குறியீட்டு படம் கீழே வழங்கப்பட்டுள்ளது.

2.OR கதவு

இயற்கணித கூட்டல் செயல்பாடுகள் போல, லாஜிக்கல் கூட்டல் செயல்பாடுகளை செய்ய வல்ல கதவு தான் OR கதவு

பூலியன் இயற்கணிதத்தின் OR கூட்டல் விதியின் அடிப்படையில் இந்த கதவு இயங்குகிறது.

3.NOT கதவு

சுவிட்ச் போட்டால் லைட் எரியும் என்று கேள்விப்பட்டிருப்பீர்கள்! ஆனால் இந்த NOT கதவை பொருத்த அளவுக்கு சுவிட்ச் போட்டால் லைட் அணையும். அதுதான், பூலியன் இயற்கணிதத்தின் NOT விதியின் அடிப்படையில், இயங்கும் NOT லாஜிக் கதவு.

4.NAND கதவு

AND லாஜிக் கதவிற்கு நேர்மாறான முடிவுகளை தரக்கூடியது! தான் இந்த NAND கதவு. இதுவும் பூலியன் இயற்கணிதத்தின் NAND அடிப்படையில் தான் இயங்குகிறது.

5. Ex OR கதவு

கொஞ்சம் எக்ஸ்ட்ரா ஆர்டினரி ஆன வேலைகளை செய்வதில் EX OR கதவு பெயர் பெற்றது.

வரும் கட்டுரையில் விளக்கமாக பார்த்துவிடலாம்.

6.NOR கதவு

ஆர் கதவின் நேர்மாறான மதிப்புகளை தரக்கூடிய லாஜிக் கதவு தான் NOR.

7.Ex-NoR

Ex-or போலவே NOR கதவோடு சம்பந்தப்பட்ட, கொஞ்சம் எக்ஸ்ட்ரா ஒர்டினரி ஆன கதவு தான் இது.

சரி! இந்தக் கட்டுரையில் லாஜிக் கதவுகளின் வகைகள் குறித்து பார்த்து விட்டோம். வரும் கட்டுரைகளில் ஒவ்வொன்றாக விளக்கமாக பார்க்கலாம்.

இதற்கு மேலும் பல வகையான லாஜிக் கதவுகள் இருக்கின்றன. பொதுவான வகைகளை மட்டுமே, இந்த கட்டுரையில் குறிப்பிட்டிருக்கிறேன். மேற்கொண்டு, தேவை என்றால் வரும் கட்டுரைகளில் விரிவாக பதிவு செய்யலாம்.

மேற்படி இந்த கட்டுரை குறித்து உங்களுக்கு ஏதேனும் கருத்துக்கள் இருந்தால் தயங்காமல் என்னுடைய மின்மடல் முகவரிக்கு மடல் இயற்றவும்.

கட்டுரையாளர்:-
ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்து கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் முகவரி : srikaleeswarar@myyahoo.com
இணையம் : ssktamil.wordpress.com

https://kaniyam.com/common-types-of-logic-gates-in-tamil/

வாசகர்கள் அனைவருக்கும் வணக்கம்!

எளிய எலக்ட்ரானிக்ஸ் பகுதியில், பல்வேறு தலைப்புகள் குறித்து 26 கட்டுரைகள் மூலம் நாம் விவாதித்திருக்கிறோம். இனிமேல் வரக்கூடிய சுமார் பத்து கட்டுரைகள் வரை, லாஜிக் கதவுகள் தொடர்பாக விரிவாக பார்க்கவிருக்கிறோம். இந்த 10 கட்டுரைகளையும் எளிய எலக்ட்ரானிக்ஸ் பகுதியோடு, குறுந்தொடராக வெளியிட நான் முடிவு செய்து இருக்கிறேன்.

என்னுடைய, இன்ன பிற எளிய எலக்ட்ரானிக்ஸ் கட்டுரைகளை படிக்க விரும்பினால் கீழே வழங்கப்பட்டுள்ள இணைப்பை பயன்படுத்தவும்.

kaniyam.com/category/basic-electronics/

அடிப்படையில், நம்மில் பலரும் பள்ளி மற்றும் கல்லூரிகளில் படித்து இருக்கக்கூடிய ஒரு பொதுவான தலைப்பு தான்! லாஜிக் கதவுகள்(logic gates). லாஜிக்(logic) என்றால் தமிழில் அளவையியல் என பொருள்படும். சில இடங்களில் இது ‘தர்க்கம்’ என்றும் குறிப்பிடப்படுகிறது.

சரி! இந்த லாஜிக் கதவுகள் என்றால் என்ன? இவை எங்கே பயன்படுத்தப்படுகின்றன? என்பது குறித்து எல்லாம் பார்ப்பதற்கு முன்பாக, லாஜிக் முறை(logic method)என்றால் என்னவென்று நாம் அறிந்திருக்க வேண்டும். அதை தான், இன்றைய அறிமுக கட்டுரையில் மிகவும் எளிமையாக உங்கள் மத்தியில் விளக்கவிருக்கிறேன்.

எப்பொழுதும், கொஞ்சம் லாஜிக்காக யோசிக்க வேண்டும் என பலரும் சொல்லி கேள்விப்பட்டிருப்போம். அப்படிப்பட்ட நம்மை அடிக்கடி குழப்பக் கூடிய லாஜிக்கல் திங்கிங் அடிப்படைக்கு அஸ்திவாரம் போட்டதே, இந்த லாஜிக் கதவுகள்(Logic gates) தான்.

பூலியன் இயற்கணிதம்(Boolean Algebra) அடிப்படையில் தான், இந்த லாஜிக் கதவுகள் இயங்குகின்றன. இந்த பூலியன் இயற்கணித முறையை தோற்றுவித்தவர் george boole என்பவர் ஆவர்.

1847 ஆம் ஆண்டு, The Mathematical Analysis of Logic (1847) எனும் புத்தகத்திலிருந்து தான் பூலியன் இயற்கணிதத்தின் பயணம் தொடங்கி இருக்கிறது.

பூலியன் இயற்கணிதத்தில் மொத்தமே இரண்டே இரண்டு வாதங்கள்(டூ arguments only) மட்டும்தான். ஒன்று மெய்(truth) மற்றொன்று பொய்(false).

என்ன? ஆதிகாலத்து சினிமா பட டயலாக் போல இருப்பதாக குழம்பி கொள்ளாதீர்கள்!. அடிப்படையில், ஒரு பொருள் இருக்க முடியும் அல்லது அந்த பொருள் இருக்காது என்பதுதான் பூலியன் இயற்கணிதத்தின் அடிப்படை.

நீங்கள் மின்சாரத்தை வழங்கினால் மின் விளக்கு எரியும்(truth),மின்சாரத்தை வழங்காவிட்டால் மின் விளக்கு எரியாது(false) இதுதான் பூலியன் இயற்கணிதம்.

வானத்தில் இருந்து நட்சத்திரங்கள் இருக்கும்போது ஒளி வெளிப்படும்(truth), நட்சத்திரங்களே இல்லை என்றால் ஒளி நிச்சயமாக இருக்காது(false) இதுதான் பூலியன் இயற்கணிதம்.

காற்று வீசும் போது கிளைகள் அசையும்(truth),காற்று வீசாத போது கிளைகள் அசையாது(false) இவ்வளவுதான் பூலியன் இயற்கணிதம்.

மனம் இருந்தால் அதனுள் எண்ணங்கள் இருக்கும், மனம் என்று ஒன்று இல்லாது போனால் எண்ணங்களே இருக்காது! இதுவும் பூலியன் இயற்கணிதம் தான்.

சரி! கவிஞர் பாணியில் விளக்கியது உங்களுக்கு எளிமையாக புரிந்திருக்கும் என்று நம்புகிறேன்.

முடிவாக ஒரே வரியில் சொல்லப்போனால்,

உள்ளதை உள்ளபடி கூறுவது பூலியன் இயற்கணிதம்.

இங்கே உங்களுக்கு இரண்டே இரண்டு வாதங்கள் தான் ( either true or false)இதை எலக்ட்ரானிக் துறையில் நாம் குறிப்பிடும் போது, பொய்க்கு பூஜ்யம்( 0 or off state) என்றும் மெய் க்கு ஒன்று(1 or ON state) என்றும் குறிப்பிடுகிறோம்.

நீங்கள் பழைய காலத்து சுவிட்ச்சிகளில் பார்த்திருப்பீர்கள்! ஆப் செய்யக்கூடிய இடத்தில் பூஜ்ஜியம் என்றும், ஆன் செய்யக்கூடிய இடத்தில் ஒன்று என்றும் போடப்பட்டிருக்கும்.

இது கூட வேண்டாம்! உங்கள் வீட்டில் இருக்கக்கூடிய டிவி ரிமோட்டை எடுத்துப் பாருங்கள். அதன் மீது இருக்கக்கூடிய இலச்சினையானது(symbol) பூஜ்ஜியம் அதற்கு மேலே ஒன்று என்பது போல இருக்கும்.அதாவது, இந்த பட்டனை வைத்து உங்களால் ஆன் செய்ய முடியும் மற்றும் ஆப் செய்ய முடியும் என்பது தான் அதன் பொருள்(you can perform both the arguments).

இந்த அடிப்படையில் தான் உலகில் உள்ள 99% எலக்ட்ரானிக் வேலைகள் நடைபெறுகின்றன.

எந்த நேரத்தில், எந்த பொருள் செயல்பட வேண்டும் என்பதை தீர்மானிப்பது இந்த பூலியன் இயற்கணிதம் தான்.

நீங்கள், இன்றைக்கு கணினியோடு உரையாடுவதற்கு சி ,சி பிளஸ் பிளஸ், ஜாவா, பைத்தான், ரூபி ,ஃபோர்ட்டான், கோபால் என விதவிதமான பெயர்களில் மொழிகளைப் பயன்படுத்தினாலும், அடிப்படையில் கணினிக்கு தெரிந்ததோ நான் குறிப்பிட்ட பொய்யும், மெய்யும் மட்டும்தான்.

சங்கேத மொழியால்(பைனரி language 0 1 )மட்டுமே உங்களால் கணினியில் உரையாட முடியும். நீங்கள் பயன்படுத்தக்கூடிய, நிரலாக்க மொழிகள் அனைத்தும் உங்களுடைய ஆங்கில மொழியை சங்கேத மொழியாக மாற்றும் பணியை தான்(compiler and interpreter) செய்கின்றன.

சங்கேத மொழியின் அடிப்படைகளை நீங்கள் படிக்கும் போது, எவ்வித மொழியின் துணை இன்றியும் உங்களால் கணினியோடு நேரடியாக உரையாட முடியும். அவ்வளவு ஏன்? நீங்கள் அன்றாடம் பயன்படுத்தப்படும் தரவுகளும், சங்கேத மொழியின் அடிப்படையிலும், பூலியன் இயற்கணிதத்தின் அடிப்படையிலும் தான், தரவு தகடுகளுக்குள் சேமித்து(data storage) வைக்கப்படுகின்றன.

இவ்வளவு சிறப்புகள் கொண்ட பூலியின் இயற்கணிதத்தின் வகைகள் எவை எவை? என்பதை அடுத்த வார கட்டுரையில் காணலாம்.

மீண்டும், மற்றொரு எலக்ட்ரானிக்ஸ் கட்டுரையில் உங்களை வந்து சந்திக்கிறேன்.

என்னுடைய புது முயற்சி குறித்து, உங்களுக்கு ஏதேனும் கருத்துக்கள் இருப்பின் தயங்காமல் என்னுடைய மின் மடல் முகவரிக்கு மடல் இயற்றவும். உங்களுடைய கருத்துக்கள் எப்போதும் வரவேற்கப்படுகிறது.

கட்டுரையாளர்:-
ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்து கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் முகவரி : srikaleeswarar@myyahoo.com
இணையம் : ssktamil.wordpress.com

https://kaniyam.com/logic-gates-series-1/